Noor Kessels | Wichter vanne basisschole van Nî-jwieërt declamere

’n Paar waekskes geleje hebbe vae ‘ne opreup gedaon nao de wichter vanne basisschole van Nî-jwieërt um ’n gedicht te declamere.

Gedicht declamere

14 wichter hebbe zich gemeldj en zich vrieët oetgestöktj um ’t gekoze gedicht oette kop te lieëre. Waat zeen vae gruuëts op ze. Ze hebbe haard gewêrktj en ’t rizzeltaat kujje op Nederweert24 gaon bekieke. ’t Ein gedicht és wat langer as ’t ânger, klein wichter klein gedicht, de groeëter ’n langer gedicht. De komendje 14 daag kujje ál daag kieke en loestere nao ’n gedicht. Geneetj d’r van! ’t És de moote waerd.

Noor Kessels Groep 3 De Schrank Doospel

Tutte

Un pötje van dit en un pötje van dèt
ich vîng al di-j pötjes supervet
Ich heb mich vör de speêgel gezatte
en pak un pröpke watte

Ich geneêt en vîng ut hieëlemaol top
hup wat reinigingsspul dur op
Efkes inmasseêre en dan weer draafwasse
Zooj dae rînk van mam mich ouch passe?

Ich pas wat krolle en auch de rînk
Smeer wat roesj en spuit wat van dae lekkere stînk
Ich hoop neet det mam ut zal mêrreke;
ich zit stiekem te tutte as zuj mot wêrreke

Lijsbeth Schroijen-Moonen

Mej doon
En mochte d’r nog wichter zeen dî-j now ouch zin kriege um mej te doon, azje in ein waek ’t gedicht oette kop kuntj knalle dan meldj uch mér. Hejje gein gedicht? Vae hebbe d’r zát um oet te keze.