VV de Pinmaekers

In Ni-jwieërt en umgaeving laag vreuger ’n hieël groeët hoeëgveengebied, wao völ minse van Ni-jwieërt heure schraole boterham bi-jein verdeendje met törfstaeke. Ouch haje völ minse nog ‘n eige törfveldje, wao ze törf stoke vör eige gebroeëk. Zoeë ouch Slumme Pier. Deze törfstaeker bedacht ’n meneer um tiedes ’t dagelank verblief in de Pieël bi-j de tied te blieve. Volges de legende stook hae edere daag   ‘ne houte pin in ‘ne törf . Bi-j zeve pin wist hae det ’t zóndig waas en tied um nao de kerk te gaon.

Aan Slumme Pier danke de Ni-jwieërtenare dan ouch de bi-jnaam Pinmaekers. En ’t zal dan ouch nemes verbaze det de vastelaovendjsvereiniging zich daorum “De Pinmaekers” neumtj. ‘ne Naam dae de tandj des tieds heet doorstange en wao de Pinmaekers nog altied gruuëts op zeen.

Hieronder vind je alles over VV de Pinmaekers...